संगीतकार मदन दीपविमको निधन

लेन्सनेपाल २०७६ बैशाख १०

संगीतकार मदन दीपविमको निधन भएको छ । सोमबार उनको हृदयाघातको कारण निधन भएको परिवारले जनाएको छ । इलाममा जन्मिएका दीपविम पछिल्लो समय छोरी ममता दीपविमसँग अमेरिकास्थित सनफ्रान्सिस्कोमा बस्दै आएका थिए ।

दिपविमले सन् २००२ को चलचित्र ‘माया बैगुनी’मा संगीत गरेका थिए । दिपविमले संगीत भरेका ‘सुरिलो रुख सल्लै हो’, ‘तिम्रै यादमा कल्पी कल्पी’, ‘झस्केर दुख्छ’ ‘के भूल भयो प्रीया’ जस्ता थुप्रैगीतहरु चर्चित तथा कलाजयी छन् । उनी रेडियो नेपालमा जागिरे समेत थिए ।