चलचित्र समिक्षक गोकर्ण गौतमको निधन

लेन्सनेपाल २०७७ मंसिर ४

चलचित्र समिक्षक तथा पत्रकार गोकर्ण गौतमको निधन भएको छ ।

मष्तिष्कको नशामा समस्या आएपछि शल्यक्रिया गर्दा रक्तश्राव भइ उनको बिहीबार बिहान निधन भएको हो । गौतमको बिहीबार बिहान साढे ११ बजे बाँसबारीस्थित उपेन्द्र देवकोटा मेमोरियल नेशनल इन्स्टिच्युट अफ न्युरोलोजिकल एन्ड एलाइड साइन्सेस (न्युरो अस्पताल) मा निधन भएको हो ।

मष्तिष्कको नशामा समस्या आएपछि उनी सोमबार अस्पताल भर्ना भएका थिए ।

३१ वर्षीय पत्रकार गौतम पछिल्लो समय कान्तिपुर ‌दैनिकमा कार्यरत थिए । गौतमको आजै पशुपति आर्यघाटमा अन्त्येष्टि गरिएको छ ।