Mansara

अभिनेत्री रेखा थापालाई पुत्री लाभ

२०८० फागुन ११
अभिनेत्री रेखा थापालाई पुत्री लाभ

अभिनेत्री रेखा थापालाई पुत्री लाभ भएको छ । उनले शुक्रबार बिहान अमेरिकाको कोलोराडो राज्यको एक अस्पतालमा छोरीलाई जन्म दिएकी हुन् । उनले छोरीको नाम वैभबी राज्यलक्ष्मी शाही ठकुरी राखेकी छन् ।

अस्पतालको शैय्यामा छोरीलाई छातीमा टाँसेर श्रीमान् बलराम शाही ठकुरीसँगको केही तस्वीर सामाजिक सञ्जालमा सेअर गर्दै रेखाले आफू आमा बनेको जानकारी गराएकी हुन् । रेखाले उक्त तस्विर सार्वजनिक गर्दै लेखेकी छिन –  ‘हेर आकाशमा कालो बादल वरिपरि चादिको घेरा छ, हेर धर्तिमा तिमी जन्मनको महान् कारण छ ।’

रेखाले गर्भवती अवस्थामै होम प्रोडक्सनको चलचित्र ‘उपहार’मा काम गरेकी थिइन। छायांकनको समयमा रेखाको गर्भमा ६ महिनाको शिशु हुर्किरहेको थियो । चलचित्रको डबिङ्ग सकेपछि पहिलो सन्तानलाई जन्म दिन रेखा गत मंसिरमा श्रीमानको साथमा अमेरिका उडेकी थिइन् ।

रेखा अभिनित चलचित्र ‘उपहार’ यही फागुन २५ गतेबाट प्रदर्शनमा आउँदैछ ।

Mahajatra