चलचित्र ‘रावायण’को शीर्ष गीत सार्वजनिक

लेन्सनेपाल २०८१ श्रावन २९

भदौ २१ गते रिलिज हुने चलचित्र ‘रावायण’को शीर्ष गीत सार्वजनिक गरिएको छ । सार्वजनिक गीतमा गायक नाकाश अजिजको स्वर, डा. कृष्णहरी बरालको शब्द र रेवन आरती सिंहको संगीत छ ।

विक्रम स्वारको नृत्य निर्देशन रहेको गीतमा अभिनेता पल शाह दोहोरो चरित्रमा देखिएका छन् भने अभिनेत्री पूजा शर्मा पनि फिचर्ड छिन । गीतको अन्तिममा निर्देशक सुदर्शन थापा पनि देखिएका छन् । सेट डिजाइन तथा प्रप्समा ठूलो खर्च गरिएको गीतले त्रेता युगका रावण पात्रको बखान गरेको छ ।

चलचित्रमा प्रियंका कार्की, प्रमोद अग्रहरी, प्रकाश शाह, प्रदीप ढकाल, अर्जुनजंग शाही, कैलाश रावल लगायतको पनि अभिनय रहेको छ । चलचित्रमा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, रेवनसहित निरज सिंहको संगीत र श्री श्रेष्ठको द्वन्द्व छ ।