मध्यपूर्व र मलेशियामा बिक्यो ‘रावायण’

लेन्सनेपाल २०८१ भाद्र २

चलचित्र ‘रावायण’ को विदेश प्रदर्शन अधिकार बिक्री सुरू भएको छ । भदौ २१ गते बाट नेपाल रिलिज हुने चलचित्रको मध्यपूर्व र मलेशिया अधिकार बिक्री भएको छ ।

निर्माण पक्षका अनुसार साथीभाइ इन्टरटेनमेन्टले मध्यपूर्व र मलेशिया अधिकार किनेको हो । निर्माण पक्षले कति मूल्यमा बिक्री भएको हो भन्ने खुलाएको छैन । सार्वजनिक शीर्ष गीतले राम्रो हाइप बनाइरहदा चलचित्रको माग बढेको हो ।

सुदर्शन थापाको निर्देशन रहेको चलचित्रमा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल, कैलाश रावल, अनिल कुर्मी, रजिता पराजुली, निमा पाण्डे, विशाल पहारी, सुशान्तकुमार श्रेष्ठ, योगेश भण्डारी, प्रेरणा गिरी र सुहान श्रेष्ठको अभिनय छ ।

सुदर्शन थापा प्रोडक्शन र पुजा शर्मा प्रोडक्शनको संयुक्त व्यानरमा बनेको चलचित्रकी निर्माता पुजा शर्मा र कार्यकारी निर्माता सुशन पाठक हुन् । चलचित्रमा निर्देशक थापाको कथा, शिवम अधिकारीको लेखन, सौरभ लामाको छायांकन, मिलन श्रेष्ठको सम्पादन, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन र समीर मियाँको भीएफएक्स रहेको छ ।