चलचित्र ‘रङ्गेली’का दुई पोस्टर सार्वजनिक

लेन्सनेपाल २०८० पौष २०

कलाकारहरु दयाहाङ राई, अर्पण थापा र मिरुना मगरलाई प्रस्तुत गर्दै चलचित्र ‘रङ्गेली’का दुई पोस्टर सार्वजनिक गरिएको छ । सार्वजनिक एक पोस्टरमा अभिनेताद्वय दयाहाङ र अर्पणलाई आमने सामने बनाइएको छ भने अर्को पोस्टरमा दयाहाङ र मिरुनाको प्रेम झल्काइएको छ ।

यसअघि प्रवीण खतिवडासहित राई, थापा र मगरका पात्र अनुसारका पोस्टर सार्वजनिक गरिएको थियो । फागुन २५ गतेबाट प्रदर्शनको तयारीमा रहेको चलचित्रलाई अर्जुन सुवेदीले लेखन तथा निर्देशन गरेका हुन् ।

हर्क साउद, अर्जुन सुवेदी र सबिन सिंहको शब्द तथा सुशान्त गौतम र हर्कुलस बस्नेतको सङ्गीत रहेको चलचित्रका कार्यकारी निर्माताहरू जीतेन्द्र खतिवडा र अनुज जङ्ग थापा हुन् । संसार चौलागाईं र रमेश भट्टराई वशिष्ठ निर्माता रहेको चलचित्रमा युवक कार्की र शिव शङ्कर चौलागाईँ सहनिर्माता र विवेक खड्का (योलो) एशोसियट निर्माता रहेका छन् ।