Mahajatra

राजेश पायल माथी स्टेजमै हातपाल, पछाडी बाट आएको अंगालो स्वीकार्य भएको प्रतिक्रिया

२०७८ पौष १७
राजेश पायल माथी स्टेजमै हातपाल, पछाडी बाट आएको अंगालो स्वीकार्य भएको प्रतिक्रिया

अमेरिकामा आयोजित सांगीतिक कार्यक्रममा प्रस्तुति दिइरहेका गायक राजेशपायल राईमाथि हातपात भएको छ । नयाँ वर्ष सन् २०२२ को स्वागतमा न्यूयोर्कमा आयोजित कन्सर्टमा गीत गाइरहेका गायक राईलाई एक दर्शकले स्टेजमा चढेर पछाडिबाट न्याँक्दै हातपात गरेका हन् ।

राईले ‘मैले मायाले दिएको चिनो’ बोलको गीत गाउदै गर्दा उनी माथी हातपात भएको हो । ति ब्यक्तिले हातपात गरे लगत्तै अन्य केही युवाहरुले राईलाई बचाउन ति युबालाई त्यहाबाट निकालेका छन् । म्युजिक ट्याकमा गीत गाइरहेका राईले हातपात पछि पनि प्रस्तुतिलाई निरन्तरता दिएका छन् । राईले ‘सानो तिनो भाइरलका लागि यस्तो हुन्छ’ भन्दै प्रस्तुति अघि बढाएका थिए । उक्त गीत सकेपछि उपस्थित दर्शकलाई सम्बोधन गर्दै राईले भने – ‘अगाडीबाट आएको ज्वालामुखीहरु पनि निल्छु र पचाउछु जस्तो लाग्छ मलाई पछाडी बाट आएको अंगालो त झनै स्वीकार्य छ ।’

उक्त कार्यक्रममा राईले लगातार ४ घण्टा सांगीतिक प्रस्तुति दिएका थिए ।