राजेश हमाल भन्छन् – नेपाली भएकोमा यती लाज महसुस कहिल्यै गरेको थिइन्

लेन्सनेपाल २०८२ भाद्र २४

महानायक राजेश हमालले जेन–जी आन्दोलनको क्रममा कम्तीमा २० जनाको ज्यान जानेगरी भएको घटनाका सम्बन्धमा गहिरो पिडा ब्यक्त गरेका छन् । उनले सामाजिक सञ्जालमा एक भावुक पोस्ट साझा गर्दै आफुले नेपाली भएकोमा यती लाज महसुस पहिले कहिल्यै नगरेको जनाएका छन् ।

हमालले आफ्नो पोस्टमा लेखेका छन् – 'हामी एक राष्ट्रको रूपमा हाम्रो युवालाई आशालाग्दो भबिस्य मात्र दिन असफल भएका छैनौ,ऊनीहरुको बर्तमनसमेत खोसिरहेका छौ । म बिदेश यात्रा गर्दै छू । नेपाली भएकोमा यती लाज महसुस मैले कहिले गरेको थिइन् ।आजको दिन नेपालको ईतिहासमा सबैभन्दा पिडादायी दिन बनेको छ ।'

भ्रष्टाचार र नेताका सन्तानको विलासी जीवनयापनको बिरोध तथा सामाजिक सञ्जालमा प्रतिबन्ध लगाई नागरिकको आवाजलाई दबाउन खाजेको भन्दै जेन–जीले सोमबार देशभर आन्दोलन गरेको हो । आन्दोलनमा सरकारले वर्वर दमन गरेको भन्दै सेलिब्रेटीहरुले समेत चर्को बिरोध गरिरहेका छन् ।