सामाखुसीमा खुल्यो अर्को चलचित्र हल, कलाकारले गरे उद्घाटन

लेन्सनेपाल २०८१ श्रावन १८

काठमाण्डौँको सामाखुसीमा रहेको सिटी स्क्वायर मलमा क्यूएफएक्स चेनको अर्को हल खुलेको छ ।

बिहिबार साँझ अभिनेता दीपकराज गिरी, किरण केसी, रमेश उप्रेती, जीतु नेपाल, निर्मल शर्मा, गायक प्रकाश सपूत र अभिनेत्री नीति शाहले संयुक्त रुपमा चलचित्र हलको उद्घाटन गरेका हुन ।

तीन वटा पर्दा रहेको यो सुविधा सम्पन्न हलमा ४ सय ९७ दर्शकले एक साथ चलचित्र हेर्न सक्छन । सिटी स्क्वायर मलको नौँ तल्लामा खुलेको हलका हरेक पर्दामा सोफा सेट सहित एरोम्याक्स वाई बार्को साउण्ड र फोर बार्को लेजर प्रोजेक्सन प्रविधि जडान गरिएको संचालक सुमित मैनालीले जनाएका छन् । करिब १८ करोडको लागत बताइएको हलको ब्यवस्थापन भने क्यूएफएक्सले गर्नेछ । योसँगै क्यूएफएक्स्ले देशभर आफ्नो हल संख्या १७ वटा पुर्याएको छ ।