‘पुजार सार्की’को गीत ‘जाऊँ माया’ सार्वजनिक

२०८१ जेष्ठ १
‘पुजार सार्की’को गीत ‘जाऊँ माया’ सार्वजनिक

चलचित्र ‘पुजार सार्की’को तेस्रो गीत ‘जाऊँ माया’ सार्वजनिक गरिएको छ । मंगलवार युट्युबमार्फत सार्वजनिक गरिएको गीतमा बि. पाण्डेको शब्द, सुवास भुषालको संगीत र केतन क्षेत्रीको स्वर रहेको छ ।

यही जेठ १० गते रिलिज हुने चलचित्रले अन्र्तजातिय प्रेममा हुने सकसलाई देखाएको छ । गीतबाट चार शिर्ष पात्रहरु पुजार – मैया र मैतबहादुर – गौमाया बिचको प्रेममा जात बाधक भएको स्पष्टै देखिन्छ ।

दिनेश राउतको निर्देशन रहेको चलचित्रमा आर्यन सिग्देल, प्रदीप खड्का, पल शाह, अञ्जना बराइली र परीक्षा लिम्बुको प्रमुख भूमिका छ । साथै चलचित्रमा मोहन निरौला, लोकेन्द्र लेखक, सुवास गजुरेल, विद्या कार्की, तारा शर्मा, शङ्कर आचार्य, प्रेम सुब्बा, गोविन्द रमण पराजुली, राजेश बिसुराल लगायतको पनि अभिनय छ ।

बिकास सुबेदीको लेखन रहेको चलचित्रलाई सुवास भुसालले निर्माण गरेका हुन् । किङ्गडम नेटवर्कको ब्यानरमा बनेको चलचित्रमा राजेश श्रेष्ठको डिओपी, भरत रेग्मीको सम्पादन र हिमाल केसीले द्वन्द्व निर्देशन रहेको छ ।

LPT
Gaun Aayeko Bato