प्रदर्शन भए ‘पुजार सार्की’ र ‘फर्की फर्की’

२०८१ जेष्ठ १०
प्रदर्शन भए ‘पुजार सार्की’ र ‘फर्की फर्की’

बुद्ध जयन्तीको दिन पारेर दुई नेपाली चलचित्र ‘पुजार सार्की’ र ‘फर्की फर्की’ एकसाथ रिलिज भएका छन् । यि दुई चलचित्र एकसाथ प्रदर्शन हुँदा दुबै चलचित्रका शिर्ष कलाकारको स्टारडमको परिक्षाका रुपमा लिइएको छ । अर्थात यि दुई चलचित्रको ब्यापारलाई कलाकारको स्टारडमसँग जोडेर चर्चा गरिएको छ ।

सुयोग गुरुङ निर्देशित चलचित्र ‘फर्की फर्की’मा अनमोल केसी र जसिता गुरुङको मुख्य भूमिका रहेको छ । ‘टाइम लुप’जनराको यो चलचित्रले प्रिमियरमा सकारात्मक प्रतिक्रिया बटुलेको छ । 

यस्तै दिनेश राउत निर्देशित चलचित्र ‘पुजार सार्की’मा आर्यन केसी, प्रदिप खड्का, पल शाह, अञ्जना बराइली, परिक्षा लिम्बुलगायतका कलाकारको अभिनय रहेको छ । जातिय विभेदको कथा भन्ने चलचित्रले पनि प्रदर्शन अगावै गरेको दर्शक शोबाट सकारात्मक प्रतिक्रिया पाएको छ ।

दुबै चलचित्रलाई प्रदर्शकहरुले पनि उच्च प्राथमिकता दिएका छन् । शो बाडफाँडमा दुबै चलचित्रले उच्च शो पाएका छन् ।

Gaun Aayeko Bato