‘ईश्वर’मा अनुबन्धित भए पृथ्वी र सुनिल

लेन्सनेपाल २०८० पौष २५

राजु गिरीको निर्देशनमा रहने चलचित्र ‘ईश्वर’का लागि अभिनेता पृथ्वीराज प्रसाई र सुनिल थापा अनुबन्धित भएका छन् । बुधबार निर्देशक गिरीले दुबै कलाकारसँग सम्झौता गरेका हुन् ।

दिव्या कंगना फिल्मस्को ब्यानरमा लक्ष्मी कुँवर थापाको प्रस्तुतीमा चलचित्र निर्माण हुने छ । माघ २८ गतेबाट फ्लोरमा जाने चलचित्रमा प्रसाई र थापाका अलवा शिशिर वाङ्देल, बुद्धि तामाङ, रविन्द्र झा, सविन बास्तोला र गिता अधिकारीको पनि अभिनय रहनेछ ।

हरिबहादुर थापा र शंकर गिरी निर्माता रहने चलचित्रमा भोजराज देवकोटाको पटकथा एवंम् संवाद, राजेन्द्र बजगाई र बीपी वाग्लेको संगीत, कविराज गहतराज, देवेन्द्र पाण्डे र सुरेश पाण्डेको कोरियोग्राफी, रामेश्वर हुँमागाईको छायांकन र देव महर्जनको द्वन्द्व निर्देशन रहनेछ ।