अभिनेता पल विरुद्ध तनहुँमा पनि बलात्कार मुद्दा दर्ता

लेन्सनेपाल २०७८ चैत्र ८

अभिनेता पल शाहविरुद्ध तनहुँमा पनि बलात्कार मुद्दा दर्ता भएको छ । एक नाबालिग बलात्कारको आरोपमा पक्राउ परेका पलविरुद्ध सरकारी वकिलको कार्यालय तनहुँले जिल्ला अदालतमा बलात्कार मुद्दा दर्ता गरेको हो ।

अभियोगपत्रमा १२ देखि १४ वर्षको जेल सजाय मागदावी गरिएको जनाइएको छ । उनका म्यानेजर कृष्ण जोशीलाई मतियारको रूपमा देखाइएको छ । उनलाई भने पललाई मागदावी गरेको सजायको आधा कैद सजाय माग गरेको बताइएको छ । अब जिल्ला अदालतले उनीहरूसँग बयान लिने र त्यसपछि थुनछेक बहस हुनेछ ।

यसअघि नै जिल्ला अदालत नवलपुरमा भने उनीविरुद्ध बलात्कार मुद्धामा अभियोगपत्र दायर गरिएको थियो । नवलपुर अदालतमा पललाई १२ देखि १४ वर्ष जेल सजायको माग गरिएको थियो ।