‘पसिना’को पोस्टर सार्वजनिक

लेन्सनेपाल २०७६ बैशाख १

चलचित्र ‘पसिना’को पोस्टर सार्वजनिक गरिएको छ । नयाँ बर्ष २०७६ को अवसर पारेर चलचित्रको तिन वटा पोस्टर सार्बजनिक गरिएको हो ।

मजदुरहरुको कथा व्यथा समेटिएको चलचित्रको सार्बजनिक पोस्टरमा कलाकारहरु गौरव पहाडी, अनु शाह र सरोज खनाललाई मुख्य स्थान दिइएको छ ।

आर. बि खत्री ‘शरद’ले निर्देशन गरेको चलचित्र ‘पसिना’मा गौरव पहारी, अनु शाह, सरोज खनाल, रवि गिरी, ध्रुब कोइराला, शारदा गिरी, सुरजनी केसीलगायतका कलाकारको अभिनय रहेको छ । चलचित्रमा राम केसीको छायांकन, राजनराज सिवाकोटी, दिपक शर्मा र थिरज राइको संगीत, नबिन निरौलाको सम्पादन, शिब बिक र राजीब समरको नृत्य र देव महर्जनको द्वन्द रहेको छ ।

बैशाख २७ गते बाट प्रदर्शनमा आउने चलचित्रका कार्यकारी निर्माता संजय महतो हुन् ।