कृषाको निर्देशनमा ‘पारस’ निर्माणको घोषणा

लेन्सनेपाल २०८२ भाद्र १९

चलचित्र ‘पारस’ निर्माणको घोषणा गरिएको छ । बुधबार साँझ राजधानीमा आयोजित एक कार्यक्रमका बिच चलचित्र निर्माणको घोषणा गरिएको हो ।

कृषा चौलागाइँको निर्देशन रहने चलचित्रमा उनकै भाई बिशाल चौलागाइँको लगानी रहने छ । कृषाकै कथा रहने चलचित्रमा सचिन लदियाको लेखन र पुरुषोत्तम प्रधानको छायाँकन रहने जनाइएको छ ।

केपी फिल्मस्का व्यानरमा निर्माण हुने चलचित्रको छायाँकन फागुनबाट शुरु हुने जानकारी दिइयो । कार्यक्रममा निर्देशक कृषाले चलचित्र एक्सनका साथै लभ स्टोरी हुने बताइन् । हाल लेखन कार्य चलिरहेको भन्दै उनले चलचित्रको बारेमा विस्तृत जानकारी केही समय पछि दिइने जनाइन ।

कार्यक्रममा निर्देशक कृषाको जन्मदिन समेत सेलिब्रेसन गरिएको थियो ।