चलचित्र ‘नाइँ नभन्नु ल ६’को ट्रेलर सार्वजनिक

लेन्सनेपाल २०७९ चैत्र १६

चलचित्र ‘नाइँ नभन्नु ल ६’को ट्रेलर सार्वजनिक गरिएको छ । बिहिबार सार्वजनिक गरिएको ट्रेलरमा बाल र युवापुस्ताको प्रेम र विछोडलाई प्सतुत गरिएको छ । सांगीतिक शैलीमा प्रस्तुत गरिएको ट्रेलरमा ड्रामा र एक्सन दृश्य स्थान पाएका छन् ।

विकास आचार्य निर्देशित चलचित्रमा अनुभव रेग्मी, आँचल शर्मा, आर्शिवाद क्षेत्री, केकी अधिकारी सरोज खनाल, प्रियंका कार्कीलगायतका कलाकारको अभिनय रहेको छ ।

ट्रेलरमा यसअघिका सिरिजका गीतमा समावेश लाइनहरुलाई नै सम्वादका रुपमा अधिक प्रयोग गरिएको देखिन्छ । विकास आचार्य र विष्णुमणि दाहालको निर्माण रहेको चलचित्रमा पुरुषोत्तम प्रधानको छायाँकन र हिमाल केसीको द्वन्द्व रहेको छ ।