हलसँग असन्तुष्ट निश्चल, हलको विकल्पमा लाग्ने चेतावनी

लेन्सनेपाल २०८१ असोज २९

चलचित्र ‘बेहुली फ्रम मेघौली’का निर्माता तथा अभिनेता निश्चल बस्नेतले शोज बाँडफाँडका बिषयमा गम्भिर असन्तुष्टि ब्यक्त गरेका छन् । असोज १७ गतेदेखि प्रदर्शनमा आएको आफ्नो चलचित्रको अकुपेन्सी राम्रो हुँदा हुँदैपनि हिन्दी चलचित्रलाई भन्दा कम शोज दिएको भन्दै उनले चलचित्र हल सञ्चालकहको ब्यवहार प्रति आक्रोश व्यक्त गरेका हुन् ।

सामाजिक सञ्जाल मार्फत आक्रोस पोख्दै उनले लेखेका छन् – “राम्रो प्रतिक्रिया, दर्शकको राम्रो साथ, राम्रो अकुपेन्सी हुँदा पनि तपाईँहरू चाहिँ त्यही हिन्दी फिल्मलाई नै शोज दिइराख्नु है, अकुपेन्सी आलु हुँदा पनि। म चाहिँ हलको विकल्प तिर लागेँ।”

रिलिजको समयमा करिब ३३५ शोज सहित इतिहासकै धेरै शोज पाएको ‘बेहुली फ्रम मेघौली’ले दोस्रो हप्तामा ‘छक्का पञ्जा ५’, ‘१२ गाउँ’, ‘ज्वाइँ साब’ र हिन्दी चलचित्र ‘जिग्रा’ रिलिज भएपछि निकै कम शो पाएको छ । यद्यपि, कम शोहरूमा पनि दर्शकको उपस्थिति भने उल्लेख्य नै रहेको छ ।

बस्नेत ‘जिग्रा’मा दर्शकको अभाव हुँदासमेत त्यो चलचित्रलाई ‘बेहुली फ्रम मेघौली’ भन्दा बढी शो दिइएकोमा बस्नेत असन्तुष्ट बनेका हुन् ।