चलचित्र प्रेम दिवसको शुभमुर्हत

लेन्सनेपाल २०७५ असोज २४

चलचित्र प्रेम दिवसको शुभमुर्हत गरिएइको छ । घटस्थापनाको अवसर पारेर राजधानीको मैतीदेवी मन्दिरमा सिनेमाको स्कृप्ट र क्ल्याप पुजा गर्दै शुभमुर्हत गरिएको हो ।

चलचित्रलाई योगेश घिमिरेले निर्देशन गर्ने भएका छन् भने सञ्जय न्यौपानेले निर्माण गर्नेछन् । शुभमुर्हतमा निर्देशक घिमिरे, निर्माता सञ्जय न्यौपाने, यसै चलचित्रबाट अभिनयमा डेव्यु गर्न लागेका विशाल खरेल र लेखक प्रदीप भारद्धाजको उपस्थिति रहेको थियो ।

कार्तिक ८ गतेबाट छायाँकनमा जाने चलचित्रमा प्रिंयका कार्की, आयुष्मान देशराज जोशी, विशाल खरेललगायतका कलाकारले अभिनय गर्ने जनाइएको छ । चलचित्रमा बसन्त सापकोटा, दीपक शर्मा र महाराज थापाको संगीत र हरी लामाको छायाँकन रहनेछ ।