वीरगञ्जमा ‘नेपाली चलचित्र स्वर्णीम महोत्सव’, राष्ट्रपतिले उद्घाटन गर्ने
बलिउड अभिनेता गोविन्दा सहभागी हुने
वीरगंजमा हुने ‘नेपाली चलचित्र स्वर्णीम महोत्सव’को तयारी पुरा भएको आयोजकले जनाएको छ । आयोजक नेपाल चलचित्र निर्माता संघले वीरगंजमा आयोजना गरेको पत्रकार सम्मेलनका बिच उक्त जानकारी दिइएको हो ।
महोत्सवको उद्घाटन राष्ट्रपति विद्यादेवी भण्डारीले गर्ने कार्यक्रम तय भएको छ । ‘तराई पहाड हिमालको उत्सव’ भन्ने नाराका साथ गर्न लागिएको महोत्सवमा कात्तिक २१ देखि २३ गतेसम्म आयोजना हुने छ । कार्यक्रममा बोल्दै महोत्सव तयारी समितिका संयोजक एवम् चलचित्र निर्माता संघका उपाध्यक्ष बिमल पौडलले तराइ र मधेशका कथा, कला, साहित्य तथा संस्कृतिलाई पनि नेपाली चलचित्रमा नसमेटिए नेपाली चलचित्र अपुरो हुने भएकोले वीरगंजमा यो महोत्सव आयोजना गर्न लागिएको बताएका छन् । महोत्सवमा बलिउड अभिनेता गोविन्दा पनि सहभागी हुने जानकारी दिदै उनले यो महोत्सवले चलचित्रको प्रर्वद्धन मात्र नभएर पर्यटन प्रबर्द्धनमा पनि टेवा पुग्ने विश्वास लिएका छन् ।
महोत्सवमा नीर शाह, राजेश हमाल, भुवन केसी, शिव श्रेष्ठ, गौरी मल्ल, करिश्मा मान्नधर, निरुता सिंह, केकी अधिकारी, पल शाहलगायतका कलाकार तथा चलचित्रकर्मीहरुको सहभागिता रहने जनाइएको छ ।
महोत्सव आयोजनाका लागि नेपाल उद्योग वाणिज्य महासंघ र वीरगञ्ज उद्योग वाणिज्य संघले समेत साझेदारी गरेका छन् । १ करोड २० लाख खर्च हुने अनुमान गरिएको महोत्सवका लागि प्रदेश २ सरकारले १० लाख, वीरगञ्ज महानगरपालिकाले १५ लाख रुपैयाँ र प्रादेशिक पर्यटन प्रवर्द्धन समितिले समेत आर्थिक सहयोग गरेको जानकारी दिइएको छ ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada
Next Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri