असोज १५ गतेलाई ‘राष्ट्रिय चलचित्र दिवस’ घोषणा

लेन्सनेपाल २०८२ आषाढ १६

सञ्‍चार तथा सूचना प्रविधिमन्त्री पृथ्वीसुब्बा गुरुङले असोज १५ गतेलाई ‘राष्ट्रिय चलचित्र दिवस’को रूपमा मनाइने घोषणा गरेका छन् । चलचित्र विकास बोर्डको २५ औँ वार्षिकोत्सवको अवसरमा सोमबार यसको औपचारिक घोषणा गरिएको हो ।

२०२२ साल असोज १५ गते नेपालमा बनेको पहिलो चलचित्र आमा प्रदर्शन भएको थियो । त्यही मितिलाई आधार मानेर उक्त दिनलाई ‘राष्ट्रिय चलचित्र दिवस’ घोषणा गरिएको हो । असार १३ बसेको मन्त्रिपरिषद् बैठकले उक्त निर्णय गरेको मन्त्री गुरुङले जनाए ।

यसअघि असोज १ गतेलाई राष्ट्रिय चलचित्र दिवस मनाउने भनिए पनि प्रभावकारी कार्यन्वयन भएको थिएन ।