भदौ २९ मा चलचित्र ‘नाङ्गो गाउँ’

लेन्सनेपाल २०८० बैशाख १०

चलचित्र ‘नाङ्गो गाउँ’को प्रदर्शन मिति सार्वजनिक गरिएको छ । दिपेन्द्र लामाको लेखन तथा निर्देशन रहेको चलचित्र महिलाहरुको महान् पर्व हरितालिका तीजलाई लक्षित गर्दै भदौको २९ गतेबाट प्रदर्शन हुने भएको छ ।

निर्माण टिमले चलचित्रको पोष्टर सार्वजनिक गर्दै प्रदर्शन मिति घोषणा गरेको हो । चलचित्रमा दयाहाङ राई, मिरुना मगर, कर्मा, साम्राज्ञी राज्यलक्ष्मी शाह, शिशिर वाङ्देल, वुद्दि तामाङ, रविन्द्र झाको मुख्य भूमिका छ । हिमाल शर्माको प्रस्तुतिमा तयार भएको चलचित्रमा जय श्रेष्ठको लगानी छ ।

पोष्टर हेर्दा राजनीतिक पृष्ठभूमिमा फिल्म बनेको अनुमान लगाउन सकिन्छ ।