फागुन १३ मा आउने भयो ‘म यस्तो गीत गाउँछु २’

लेन्सनेपाल २०७८ माघ २६

अन्ततः फागुन १३ गते चलचित्र ‘म यस्तो गीत गाउँछु २’ प्रदर्शन हुने भएको छ । यसअघि उक्त मितमा ‘लप्पन छप्पन २’ले प्रदर्शन मिति तय गरेको थियो ।

मंगलबार नेपाल चलचित्र संघ र चलचित्र निर्माता संघको कार्यदलले ‘म यस्तो गीत गाउँछु २’लाई उक्त मितिमा प्रदर्शन गर्ने सहमति जुटाएको हो ।

यसअघि माघ १९ का रिलिज मिति तय गरेको यो चलचित्रको प्रदर्शन कोरोना संक्रमणको तेस्रो लहरका कारण सरकारले चलचित्र हल बन्द गर्ने निर्णय गरेपछि स्थगित भएको थियो ।

सुदर्शन थापाको निर्देशन रहेको चलचित्रमा पुजा शर्मा र पल शाहको मुख्य भुमिका रहेको छ ।

सुदर्शन थापाले निर्देशन गरेको ‘म यस्तो गीत गाउँछु २’मा पल शाह, पूजा शर्मा, दिनेश डीसी, हरिहर शर्मा लगायतका कलाकारको मुख्य भूमिका रहेको छ ।

सरकारले फागुन १ गतेदेखि सिनेमा हल खोल्न अनुमति दिएसँगै चलचित्र निर्माताहरुले रिलिज मिति तोक्न थालेका हुन् । सिनेमा हल बन्द भएका कारण तीन दिनमै प्रदर्शन स्थगित गर्न बाध्य भएको चलचित्र ‘चपली हाइट ३’ फागुन १ गतेदेखि पुनस् प्रदर्शन हुँदैछ ।