मुन्द्रेले सार्वजनिक गरे गाईजात्रा सामग्री ‘व्यर्थ मन्त्रीको बजेट भाषण’

लेन्सनेपाल २०८२ श्रावन १५

‘गाईजात्रा’लाई लक्षित गर्दै हास्य कलाकार तथा अभिनेता जितु नेपालले ‘मुन्द्रेको हास्य व्यङ्ग्य सामाग्री २०८२’ सार्वजनिक गरेका छन् ।

मुन्द्रेले यसवर्ष फरक फरक ४ भागमा गाईजात्रे कोसेली सार्वजनिक गर्ने जनाएका छन् । पहिलो भागमा उनले व्यर्थ मन्त्रीको बजेट भाषण शिर्षकमा ‘गाईजात्रे बजेट भाषण’ सार्वजनिक गरेका हुन् ।

‘व्यर्थ मन्त्रीको बजेट भाषण’मा संसद् भवन भित्रको सभामुख र मन्त्रीको संवाद मार्फत संसद् भवन भित्रको गतिविधिमा ब्याङ्ग्य गरिएको छ । आफ्नो ‘गाईजात्रे कमेडी’ ४ भागमा आउने र प्रत्येक भाग ४–४ दिनको फरकमा सार्वजनिक हुने नेपालले बताए ।

‘यो पटक राजनीति छोडेर संन्यास लिने नेताहरू पनि देखिनेछन्’, नेपालले भने – ‘अर्को माता जस्तै महाराज तिर, मन्त्रीको हरिबिजोग र गरुण पुराण पनि प्रहसनका विषय छन् ।’ गाईजात्रा हास्यब्याङ्ग्यको पर्व भएको कारण यसलाई जोगाई राख्न पनि आफूले कमेडी प्रस्तुति बनाएको नेपालको भनाई छ ।