फस्टलुक सार्वजनिक गर्दै चलचित्र ‘पीआर’ निर्माणको घोषणा

लेन्सनेपाल २०८१ मंसिर २३

फस्टलुक सार्वजनिक गर्दै चलचित्र ‘पीआर’ निर्माणको घोषणा गरिएको छ । आरएफएम फयासिलिटी मेनेजमेन्ट अष्ट्रेलिया र ल्यान्ड वे डम्प्लिङ सिड्नी प्रस्तुतकर्ता रहने चलचित्रको निर्देशन शोभित बस्नेतले गर्नेछन् ।

निर्देशक बस्नेतका अनुसार चवलचित्रको सम्पूर्ण छायांकन अष्ट्रेलियाको विभिन्न सहरमा हुनेछ । चलचित्रमा सम्पूर्ण कलाकार र प्राविधिक समेत अष्ट्रेलियाबाटै छानिने उनले जनाए ।

अङ्ग्रेजी नयाँ वर्षको अवसर पारेर छायाँकन शुरु हुने जाइएको चलचित्र सलोन सलिना फिल्मसको व्यानरमा बन्नेछ । चलचित्रमा ए वान ग्रुप सर्भिसका प्रदीप दाहाल निर्माता र एप्लाई वर्ल्डका गणेश केसी कार्यकारी निर्माता छन् । निर्माणमा एम्बिसन कलेज रकडेल, आरटुएम एकाउन्टिन रकडेल र बिकास अधिकारी (प्रिज्मस् एजुकेसन एन भिजा सर्भिस)को विशेष सहयोग रहने जनाइएको छ । राजजंग क्षेत्री प्रोडक्सन हेड रहेको चलचित्रमा मानस राजको संगीत, निर्देशक बस्नेतकै कथा, गणेश बुढाथोकीको पटकथा र संवाद रहने छ ।