चलचित्र ‘गोपी’को गीत सार्वजनिक

लेन्सनेपाल २०७५ मंसिर ५

चलचित्र ‘गोपी’को गीत सार्वजनिक गरिएको छ । बुधबार ‘लक्ष्मी कहिले काली’ बोलको गीत सार्वजनिक गरिएको हो । साहित्यकार बुद्धिसागरको शब्द रचना रहेको गीतको लय बाबुराम पोखरेलले संकलन गरेका हुन भने अर्जुन पोखरेलले संगीत डिजाइन गरेका छन् । गीतमा ध्रुब बिस्को र एन्जिला रेग्मीको स्वर रहेको छ भने गोविन्द राईले कोरियोग्राफी गरेका हुन ।

आरोही इन्टरटेनमेन्टको व्यानरमा निर्माण भएको चलचित्रलाई आरोही केसीले निर्माण गरेकी हुन । दीपेन्द्र लामाद्वारा निर्देशित चलचित्रमा विपिन कार्की, वर्षा राउत, सुरक्षा पन्त, अंकित खड्का, भोला सापकोटा, प्रकाश घिमिरे, रमेश अधिकारी, सरोज अर्याल, कमलमणि नेपाल, हिउँबाला गौतमलगायतका कलाकारको अभिनय रहेको छ ।

माघ १८ गते प्रदर्शन हुने चलचित्रमा सामिप्य तिमल्सेनाको लेखन, शैलेन्द्र डि कार्कीको छायाँकन र निमेष श्रेष्ठको सम्पादन रहेको छ । श्रीधर पौडेल चलचित्रका कार्यकारी निर्माता हुन ।