चलचित्र दैलोको गीत सार्वजनिक

लेन्सनेपाल २०७५ कार्तिक १०

चलचित्र दैलोको गीत सार्वजनिक गरिएको छ । शिक्षण पेशा रोज्नेहरूको पीडा बोल्ने ‘हामी मास्टर...’ बोलको गीतमा निलम उप्रेतीको शब्द, संगीत र स्वर रहेको छ ।

कात्तिक ३० गतेलाई प्रदर्शन मिति तय गरेको चलचित्र दाइजो प्रथा र पारिवारिक प्रेममा आधारित रहेको बताइएको छ ।

सुरेश उप्रेतीको निर्देशन रहेको चलचित्रमा उनका साथै दुर्गा साउद, विकाश चापागाई, दीपक डोटेल, सपना श्रेष्ठ, मुना प्रसाईंलगायतका कलाकारहरुको अभिनय रहेको छ । चलचित्रलाई सुरेशले नै लेखेका हुन । चलचित्रमा बिमल भट्टराईको छायाँकन र तारा थापाको सम्पादन रहेको छ । जमुना देवी फिल्म्सको ब्यानरमा निर्माण भएको चलचित्रलाई अर्जुन उप्रेती र यसोदा उप्रेतीले संयुक्त रुपमा निर्माण गरेका हुन् ।