चलचित्र ‘मनसरा’को इन्डक्ल्याप

लेन्सनेपाल २०८० माघ २८

चलचित्र ‘मनसरा’को छायांकन सकिएको छ । पौष २१ गतेबाट सुरु भएको छायांकन ३० दिनमा सकिएको हो । चलचित्रको छायांकन ललितपुर, काठमाडौं र पाँचथरमा गरिएको छ ।

उपेन्द्र सुब्बाको निर्देशनमा निर्माण भएको चलचित्रको पाँचथरमा मुख्य कलाकार दयाहाङ राई र मिरुना मगरको अन्तिम दृश्य खिच्दै इन्डक्ल्याप गरिएको हो । चलचित्र आगामी वर्षको वैशाख २१ गते रिलिज हुनेछ । चलचित्रको शिर्ष भूमिकामा मिरुना देखिनेछिन ।

चलचित्रमा मिरुना र दयाहाङका अलावा प्रविण खतिवडा, मेनुका प्रधान, हेमन्त बुढाथोकी लगायतको अभिनय रहेको छ । निर्देशक सुब्बाकै लेखन रहेको चलचित्रका निर्माता छायांकार शैलेन्द्र ध्वज कार्की हुन् । यस्तै, विष्ण कुमार लिम्बु मनोरथ पोखरेल, पर्शु अधिकारी, पिटर गुरुङ तथा जीवन लिम्बु थाक्लुङ सह–निर्माता हुन् ।

कबड्डी फिल्मस्को ब्यानरमा निर्माण भएको चलचित्रमा निमेश श्रेष्ठको समपादन, अर्जुन कार्कीको रंग संयोजनको साथमा श्रवल राज पाण्डेको साउण्ड डिजाइन रहेको छ भने मानाहाङ लावती, मनिक शंखर र सुभम चाम्लिङ राईको संयूक्त कला निर्देशन रहेको छ । चलचित्रका कार्यकारी निर्माता सिजन दाहाल हुन् ।