ह्युस्टन फिल्म फेस्टिभलमा महेश त्रिपाठीलाई उत्कृष्ट अभिनेताको अवार्ड

लेन्सनेपाल २०७९ बैशाख १३

नेपाली चलचित्रहरुले फेष्टिवलमा आफ्नो दरिलो उपस्थिति जनाउने क्रम जारी छ । अमेरिकाको ह्युस्टन फिल्म फेस्टिभलमा प्लाटिनम रेमी अवार्ड प्राप्त गरेको ‘हल्कारा’बाट छायांँकार चिन्तनराज भण्डारी पछि अभिनेता महेश त्रिपाठीले पनि अवार्ड जितेका छन् ।

चिन्तनले गोल्ड रेमी अवार्ड प्राप्त गर्दा महेशले उत्कृष्ट अभिनेताको अवार्ड प्राप्त गरेका छन् । महेशले अमेरिकी अभिनेता बेन गेविन र बेलायती अभिनेता ओलिवर लीलाई पछि पार्दै उत्तः अवार्ड प्राप्त गरेका हुन् ।

सार्वजनिक प्रदर्शन हुन बाँकी रहेको चलचित्र ‘हल्कारा’लाई विक्रम सापकोटाले निर्देशन गरेका हुन । चलचित्रलाई विक्रमसँगै विप्लप प्रतीक र आकाश बरालले लेखेका हुन् ।