‘माग्ने राजा’को टिजर सार्वजनिक

लेन्सनेपाल २०८२ आषाढ १७

चलचित्र ‘माग्ने राजा’को टिजर सार्वजनिक गरिएको छ । हास्यरसले भरिएको टिजरमा कलाकार केदार घिमिरे ‘माग्ने बुढा’ हाबी छन् । ऋषि लामिछानेको निर्देशित चलचित्रको टिजरमा विल्सन विक्रम राई, शिशिर वाङ्देल र वर्षा सिवाकोटीलाई पनि स्थान दिइएको छ ।

कमेडी जनराका चलचित्रको टिजरमा हाँस्यरसका संवादहरु समावेश छन् । शिर्ष भूमिकामा रहेका कलाकार घिमिरेले आफ्नो चर्चित थेगो ‘हल्का रमाइलो’ यहाँ पनि बोलेका छन् ।

हरितालिका तीजको छेको पारेर भदौ ६ गतेबाट प्रदर्शन हुने चलचित्रमा शारदा गिरी, राधिका कँडेल, पवित्रा साकी (मिस पवी) लगायतको पनि अभिनय रहेको छ ।

आरम्भ प्रडक्सनको ब्यानरमा मुनाल घिमिरे प्रस्तुतकर्ता र मधुसुदन शर्मा निर्माता रहेको चलचित्रमा नरेन्द्र मैनालीको छायांकन, सामीप्यराज तिमल्सेनाको लेखन, दिपक शर्माको संगीत र मित्र गुरुङको सम्पादन रहेको छ ।