‘माग्ने राजा’ गीत ‘म त सुतेर उठेको पैसामा’ सार्वजनिक

लेन्सनेपाल २०८२ श्रावन ६

भाद्र ६ गतेबाट प्रदर्शनमा आउने चलचित्र ‘माग्ने राजा’को दोस्रो गीत सार्वजनिक गरिएको छ । सोमबार राजधानीमा आयोजित एक कार्यक्रमका बीच ‘म त सुतेर उठेको पैसामा’ बोलको गीत सार्वजनिक गरिएको हो । सार्वजनिक गीतमा कलाकार केदार घिमिरे (माग्ने बुढा), विल्सन विक्रम राई (तक्मे बुढा) र बालकलाकार रोनिश खड्का फिचर्ड छन् ।

संगीतबार बाबुल गिरीको स्वर रहेको गीतको संगीत, शब्द रचना तथा एरेञ्ज समेत उनी स्वयंको हो । उनलाई चाइल्ड भर्सनमा चलचित्रका कलाकार समेत रहेका रोनिश खड्काले साथ दिएका छन् । भिडियोमा गम्भिर बिष्टको कोरियोग्राफी छ ।

मुनाल घिमिरे प्रस्तुतकर्ता रहेको चलचित्रलाई ऋषि लामिछानेले निर्देशन गरेका हुन् । आरम्भ प्रोडक्सनको ब्यानरमा निर्माण भएको चलचित्रमा वर्षा सिवाकोटी, पुष्कर गुरुङ, शिशिर वाङ्देल, शारदा गिरी र मोडल पवित्रा साकी उर्फ मिस पबीको पनि अभिनय छ । नरेन्द्र मैनालीले खिचेको चलचित्रमा अभिनेता आर्यन सिग्देलको पनि विशेष भूमिका रहेको छ । मदुसुधन शर्मा निर्माता रहेको चलचित्रमा सामीप्य राज तिमल्सेनाको कथा, पटकथा तथा संवाद र दीपक शर्मा र बाबुल गिरीको संगीत रहेको छ ।