‘गुन्यु चोलो’को गीत ‘म फूल हुँ कि काँडा’ सार्वजनिक

लेन्सनेपाल २०८२ श्रावन १

चलचित्र ‘गुन्यु चोलो : द ड्रेस’को गीत सार्वजनिक गरिएको छ । सार्वजनिक ‘म फूल हुँ कि काँडा’ बोलको गीतमा लेखु सहयात्रीको शब्द, संगीत र मनिषा पोखरेलको स्वर छ ।

समुन्द्र भट्टको निर्देशन रहेको चलचित्र लैंगिक अल्पसंख्यक पारालैंगिक पात्रको कथामा बनेको छ । गीतको भिडियोमा चलचित्रमा पारालैंगिक महिलाको भूमिका निभाएका नाजिर हुसेनको नृत्य देख्न सकिन्छ । भिडियोमा सुशील सिटौलालाई पनि देख्न सकिन्छ ।

भदौ १३ गते रिलिज हुने चलचित्रमा नाजिर र सुशीलसँगै सञ्चिता लुइँटेल, राजकुमार घोष, शिशिर राणा, अनुपम श्रेष्ठ, विशाल पहारीलगायतको अभिनय रहेको छ ।

नेपालको पहिलो पूर्णरूपको ट्रान्स स्टोरीमा निर्मित चलचित्रको अन्तर्राष्ट्रिय वितरण अधिकार अमेरिकाको बफेलो एट्लेले किनेको छ । चलचित्रमा हलिउडकी कलाकार लिजा जेरार्डले स्वर दिएकी छिन् भने ब्याकग्राउन्ड म्युजिकको सम्पूर्ण काम मार्सेलो दी फ्रान्सिसीले गरेका छन् ।

चलचित्रमा आकाश बुढाथोकी र भि–भन्से जानुबोनको लगानी छ । चलचित्रको कार्यकारी निर्माता जेफ्री जे वेन र स्टिभ जोन्स्टन हुन् भने अनुपम श्रेष्ठ चलचित्रका सहयोगी निर्माता हुन् ।