‘लू’ उपन्यासमा चलचित्र बन्ने

लेन्सनेपाल २०७८ फागुन २६

‘लू’ उपन्यासमा आधारित चलचित्र बन्ने भएको छ । बुधबार उपन्यासका लेखक नयनराज पाण्डे र कारो फिल्म्सका बिच चलचित्र निर्माणका लागि कपिराइट सम्झौतामा हस्ताक्षर भएको छ । कारोका तर्फबाट प्रबन्धक निर्देशक निशा खरेलले लेखक पाण्डेसँग उक्त सम्झौता गरेकी हुन् ।

चलचित्रमा पटकथा पनि पाण्डेकै हुनेछ । लेन्स नेपालको रेकर्ड अनुसार यसअघि १६ वटा चलचित्र लेखेका पाण्डेलले चलचित्र निर्मोहीको निर्देशन समेत गरेका थिए । ‘लू’ पठनिय उपन्यासका रुपमा निकै रुचाइएको कृति हो ।

कारो फिल्म्सले वेभ सिरिज र रियालिटी सोहरु निर्माणको योजना समेत बनाएको प्रबन्ध निर्देशक खरेलले जनाएकी छिन ।