‘लण्डन टु पेरिस’को टिजर सार्वजनिक

लेन्सनेपाल २०८१ बैशाख २८

जेठ २५ गतेबाट रिलिज हुने चलचित्र ‘लण्डन टु पेरिस’को टिजर सार्वजनिक गरिएको छ । टिजरमा कलाकारहरु निश्चल खड्का र साम्राज्ञी राज्यलक्ष्मी शाहबीचको प्रेम र खटपटलाई स्थान दिइएको छ ।

टिजरमा अन्य कलाकारहरु कवीर खड्का र गरिमा शर्मालाई पनि राम्रो स्थान दिइएको छ । घनश्याम लामिछाने निर्देशित चलचित्रमा निश्चल, साम्राज्ञी, कवीर र गरिमाका साथै रुष्मा थापा, मनीष श्रेष्ठ, लोकविक्रम मल्ल र मनीष गान्धीको पनि अभिनय छ । यही चलचित्रबाट निश्चल र गरिमाले फिचर चलचित्रमा डेब्यू गर्दैछन् ।

एबी इन्टरनेश्नलको प्रस्तुति रहेको चलचित्रमा गौतम प्रोडक्शन र अर्चिड भेस फिल्मस् लिमिटेडको निर्माण सहकार्य रहेको छ । चलचित्रको कथा, पटकथा र संवाद प्रदीप भारद्वाजले लेखेका हुन् । अमित बस्नेतले निर्माण गरेको चलचित्रका निर्माता आरोन बस्नेत, एरियाना बस्नेत र परी राना हुन् ।

सनिश खकुरेल र अजित केआर थापा सह–निर्माता रहेको चलचित्रमा अंकित गौतम, सुरज कुँवर र विजय भण्डारी कार्यकारी निर्माता छन् ।