कुमारी बैंकमा विना धितो फोनबाटै एक लाखसम्म ऋण !
कुमारी बैंक लिमिटेडले फोनलोन नामक नयाँ कर्जा सुविधा प्रदान गरेको छ । आफ्ना ग्राहकको सुविधाका लागि प्रदान गरिने सेवाहरुलाई थप सहज बनाउँदै आएको बैंकले डिजिटल मैत्री कर्जा सुबिधा सञ्चालनमा ल्याएको हो । ग्राहकहरुलाई सरल र सहज सेवा प्रदान गर्ने उद्देश्यले नयाँ सेवा फोनलोन संचालनमा ल्याएको बैंकले जनाएको छ ।
यो सेवा अन्र्तगत कुमारी बैंक लि.मा विभिन्न तलब खाता संचालन गरिरहेका ग्राहकहरुले बढीमा ३० दिनसम्मका लागि अधिकतम रु १ लाखसम्म कुमारी स्मार्ट मोबाइल बैकिङ्गबाट फोनलोन सुविधा सहजै प्राप्त गर्न सक्नेछन् । भने कर्जाको लागि कुनै पनि धितोको आवश्यकता नरहने र कुनै निवेदन दिन र कानूनी कागजात गरीरहनु नपर्ने बैंकले जारी गरेको प्रेस बिज्ञप्तीमा उल्लेख छ ।
आवश्यक खर्च व्यवस्थापन गर्न फोनलोन सुविधाबाट अधिकतम लाभ प्राप्त हुनेमा विश्वस्त देखिएको बैंकले आगामी दिनमा आफ्ना सेवाहरुलाई अझ सहज र डिजिटल मैत्री बनाउँदै लगिने विश्वास पनि दिलाएको छ ।
देशव्यापी १८४ शाखा–संजाल, १४४ एटिएम, २१ शाखारहित बैंकिंग इकाई तथा १३ एक्टेन्सन काउन्टर मार्फत अत्याधुनिक वित्तिय सेवा सुविधा दिँदै आएको कुमारी बैंकले आगामी दिनमा पनि अझ प्रभावकारी तथा ग्राहकमुखी सेवा विस्तार गर्दै जाने प्रतिबद्धता जनाएको छ ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada
Next Releases (Baishak 21)
-
Mansara
Director : Upendra Subba
Casts : Dayahang Rai, Miruna Magar, Menuka Pradhan, Prabin Khatiwada, Shanti Giri