निर्देशक किशोर रानाको निधन निधन, यस्तो छ स्वर्गिय रानाको जीवनी

लेन्सनेपाल २०७६ भाद्र ४

निर्देशक किशोर रानाको निधन भएको छ । ५४ वर्षिय रानाको उपचारको क्रममा बुधबार निधन भएको हो । लामो समयदेखि मिर्गौला रोगबाट पीडित राना ललितपुरको निदान अस्पतालमा उपचाररत् थिए । विगत ६ वर्षदेखि रानाले नियमित डाइलासिस गर्दै आएका थिए । भारतमा पुगेर पनि उनले उपचार गराएका थिए ।

सफल अनि कुशल चलचित्र निर्देशक रानाले डेढ दर्जन नेपाली चलचित्रको निर्देशन गरेका छन् । राना निर्देशनका साथै लेखन बिधामा पनि उत्तिकै संलग्न थिए । उनले केही बलिउड चलचित्रमा पनि काम गरिसकेका छन् ।

स्वर्गिय रानालाई नेपाल सरकार, चलचित्र विकास बोर्डले २०७४ सालको दिर्घ साधना सम्मान अर्पण गरेको थियो भने सिने सर्कल अवार्ड २०७५ मा पनि लाइफ टाइम अचिभमेण्ट अवार्ड अर्पण गरिएको थियो ।