चलचित्र ‘खुस्मा’ छायांकन शुरु

लेन्सनेपाल २०८० माघ १४

चलचित्र ‘खुस्मा’ छायांकन शुरु भएको छ । चलचित्रमा हिउँका दृश्यहरु प्रमुख रुपमा समेटनु पर्ने भएकोले मनाङबाट छायाँकन सुरु गरिएको जनाइएको छ । मनाङ पछि चलचित्रको छायाँकन पूर्वी रुकुममा हुनेछ ।

अशोक थापा मगरको निर्देशन रहेको चलचित्रमा धिरज मगर, उपासना सिंह ठकुरी, अस्तित्व भट्टचन, खड्क बहादुर पुन (खबपु), अरुण मगरलगायतको अभिनय रहने छ । द्वन्द्वकालीन समयको प्रेमकथामा आधारित चलचित्रमा बेताने मगर, चन्द्र भट्टचन, मोहन राई र सुस्मिता बुढाथोकी निर्माता छन् ।

एम मिडिया प्रोडक्सनको ब्यानरमा निर्माण भइरहेको चलचित्रमा एसडी योगी, सुरेन्द्र राना तथा राम अविरल विष्टको संगीत रहेको छ । चलचित्रलाई दीपक बज्राचार्यले छायाँकन गरिरहेका छन् ।