चलचित्र ‘खुस्मा’ निर्माणको घोषणा

लेन्सनेपाल २०८० माघ २

चलचित्र ‘खुस्मा’ निर्माणको औपचारिक घोषणा गरिएको छ । माघे संक्रान्तिको अवसर पारेर चलचित्रको घोषणा गरिएको हो ।

चलचित्रमा धिरज मगर र उपासना सिंह ठकुरी प्रमुख भूमिकामा हुनेछन् । यो उनीहरुको पहिलो सहकार्य हो । चलचित्रलाई अशोक थापा मगरले निर्देशन गर्नेछन् । दुई वटा सुटिङ तालिकामा खिचिने चलचित्रका निर्माता बेताने मगर, चन्द्र भट्टचन र सुस्मिता बुढाथोकी हुन् ।

चलचित्र ‘खुस्मा’मा एस डी योगी, सुरेन्द्र राना तथा राम अविरलले संगीत दिनेछन् भने दिपक बज्राचार्यको छायाँकन रहनेछन् । चलचित्रमा धिरज र उपसनाका अलावा अस्तित्व भट्टचन, खड्क बहादुर पुन (खबपु) तथा अरुण मगरको अभिनय रहनेछ । प्रेम कथामा आधारित ‘खुस्मा’ एम मिडिया प्रा.लि.को ब्यानरमा निर्माण हुनेछ ।