राजुको स्वरमा ‘हेल्लो काँशीराम’को गीत ‘खैजेडीको घेरो’

लेन्सनेपाल २०८२ बैशाख २९

चलचित्र ‘हेल्लो काँशीराम’को गीत ‘खैजेडीको घेरो’ सार्वजनिक गरिएको छ । लोक भावनामा आधारित गीतमा चर्चित गायक राजु परियारको स्वर र विपिन आचार्यको सङ्गीत संयोजन रहेको छ ।

गीतमा दिलीप रायमाझी, प्रियङ्का कार्की, नवज्योती रसाइली, उमेश राई, अर्जुन गुरुङ, लक्ष्मी भुसाल, लगायतका कलाकारको अभिनय देख्न सकिन्छ ।

रिम विश्वकर्माको लेखन तथा निर्देशन रहेको चलचित्रमा यम आलेमगरको छायाङ्कन, मित्र डी. गुरुङको सम्पादन, कविराज गहतराजको नृत्य र शङ्कर महर्जनको द्वन्द्व रहेको छ ।

रेडलाइन्स फिल्म प्रालिको ब्यानरमा निर्माण भएको चलचित्रका निर्माता पी.बी. थापा र सह–निर्माता शान्ता ढकाल हुन् ।