‘झिँगेदाउ २’ केकी र आँचल अनुबन्धित

लेन्सनेपाल २०८२ आषाढ ५

२०७९ सालको सफल चलचित्र ‘झिँगेदाउ’को सिक्वेल ‘झिँगेदाउ २’ निर्माण हुने पक्का भएको छ । ज्ञानेन्द्र देउजाको निर्देशनमा बन्ने चलचित्रमा अभिनेत्रीद्वय केकी अधिकारी र आँचल शर्मा अनुबन्धित भएका छन् । उनीहरु ‘झिँगेदाउ’मा बुहारीको भूमिकामा थिए ।

सिक्वेलमा केकी र आँचल सहित अघिल्लो श्रृंखलाकै केही कलाकार दोहोरिने जनाइएको छ । अभिनेतामा मुकुन भुसाल र कुशल विष्ट पनि दोहोरिने निश्चित भइसकेको बताइन्छ । साथै पछिल्लो समयका केही चर्चित कलाकारलाई समेत अन्बन्धित गर्न तयारीमा निर्देशक देउजा रहेको बुझिएको छ ।

विवाहपछि दुई छोराबीचको झगडाका कारण आमा निराश भएर वृद्धाश्रम गएसँगै ‘झिँगेदाउ’को कथा सकिएको थियो । सिक्वेलको कथा त्यही बिन्दुबाट उठान हुने निर्देशक देउजाले बताए । महेश दवाडीको लेखन रहने चलचित्रको सेटअप ग्रामीण परिवेशको रहनेछ ।