‘काँडेतार’को शीर्ष गीत सार्वजनिक

लेन्सनेपाल २०८० बैशाख ३

चलचित्र ‘काँडेतार’को शीर्ष गीत सार्वजनिक गरिएको छ । शनिबार सार्वजनिक गरिएको गीतमा सत्यकला राई, राजेशपायल राई र जे पापीको स्वर, मिलन कान्छा किरातीको शब्द र मणी थापाको संगीत रहेको छ ।

देशको भूगोल र सार्वभौमसत्ता रक्षाका लागि सीमामा काँडेतार लगाउनुपर्ने मुद्धा उठाएको चलचित्रको गीतले उक्त कुरालाई स्पष्ट पारेको छ । नवल खड्काको निर्देशन रहेको चलचित्रमा उनका साथै गौरव पहारी, रेविका गुरुङ, सुरविना कार्की, मुरलीधर, प्रेम सुब्बा, परशुराम चौधरी, सञ्जय खतिवडालगायतको अभिनय रहेको छ ।

चलचित्रमा श्री श्रेष्ठको द्वन्द्व निर्देशन, कविराज गहतराजको कोरियोग्राफी, मणि थापा र दीपक शर्माको संगीत, सौरभ लामाको छायाँकार, तारा थापा ‘किम्भे’ र बन्दे प्रसादको सम्पादन रहेको छ । चलचित्रलाई नवल खड्का, माकिको राई र अञ्जु केसीले निर्माण गरेका हुन् । चलचित्रको कार्यकारी निर्माता सत्यकला राई हुन् ।