चलचित्र ‘कालो सुन’ निर्माण हुने

लेन्सनेपाल २०८० बैशाख २१

चलचित्र ‘कालो सुन’ निर्माण हुने भएको छ । कलाकार प्रभु श्रेष्ठको निर्माण रहने चलचित्रको हाल प्रि–प्रोडक्सनको काम भइरहेको छ ।

प्रभुलक्ष्मी इन्टरटेण्टमेन्ट एण्ड क्रियटिभ कम्पनी प्रा.लि.को ब्यानरमा निर्माण हुने चलचित्र एक्सन थ्रिलर जनराको हुने छ । कलाकार श्रेष्ठका अनुसार
चलचित्रमा पाँच साथीहरु चाइनाको सिमानामा ट्रेकिङ गर्दैगर्दा आउँने विभिन्न उतारचडाबलाई देखाइनेछ ।

त्यसो त ‘कालो सुन’ आफ्नो ड्रीम प्रोजेक्ट भएको बताउने श्रेष्ठले यसै चलचित्रका लागि राजेश हमालसँग समेत भेट गरेको बुझिएको छ । चलचित्रमा हमालको संलग्नता निश्चित नभए पनि उनले श्रेष्ठलाई सफलताको शुभकामना भने दिएका छन् ।

चलचित्रका लागि निर्देशक, कलाकार र प्राबिधिक केही समयमा नै तय हुने जनाइएको छ ।