‘कड्के कमाल के’को ट्रेलर सार्वजनिक, बलिउड र नेपाली कलाकारले अभिनय

लेन्सनेपाल २०७६ बैशाख ४

चलचित्र ‘कड्के कमाल के’को ट्रेलर सार्वजनिक गरिएको छ । चलचित्रमा बलिउड कलाकार राजपाल यादवका साथै नेपाली कलाकारहरु आर्यन अधिकारी, अभिनेत्री नीता ढुंगाना, लक्ष्मी बर्देवा, एन्जल श्रेष्ठ, प्रकास घिमिरे, रामचन्द्र अधिकारीलगायतको मुख्य भुमिका रहेको छ ।

चलचित्रमा बलिउडका चर्चित कलाकार राजपाल यादवले आर्यनको मामाको भूमिका निर्वाह गरेका छन् । अधिकांश छायाँकन नेपालमा गरिएको चलचित्रको ट्रेलर एक्सन र कमेडीले भरिएको छ । ट्रेलरमा अभिनेता आर्यन अधिकारीलाई कमेडी, एक्सन र रोमान्टिक अवतारमा प्रस्तुत गरिएको छ ।

ऐतवारी सिंहको लगानी रहेको चलचित्रका कार्यकारी निर्माता आशिष राजे हुन् । लक्ष्मण सिंह र भिके सिंहको कथा रहेको चलचित्रलाई लक्ष्मण सिंहले निर्देशन गरेका हुन् । आउने जेठ १० गतेबाट चलचित्र प्रदर्शन हुनेछ । नेपाल र भारतमा एकसाथ प्दर्शन हुने निर्माण पक्षले जनाएको छ ।