कमेडी दरबार टिमले चलचित्र ‘क का कि की’ बनाउने

लेन्सनेपाल २०८२ श्रावन १३

कमेडी दरबार टिमले चलचित्र ‘क का कि की’ निर्माण गर्ने भएको छ । सोमबारको थिम पोस्टर सार्वजनिक गर्दै चलचित्र निर्माणको घोषणा गरिएको हो ।

विक्की अग्रवाल र श्रद्दा प्रसाईँको संयुक्त निर्देशन रहने चलचित्रमा गौरी मल्ल, तृप्ति नदकर, रेखा थापा र महेश त्रिपाठीको मुख्य भूमिका रहनेछ । त्यस्तै, कमेडी दरबारका कलाकारहरु मिस पबी, पवन खतिवडा, हिमेश पन्त, सुजता श्रेष्ठ, विश्वास तिम्सिना, सीडी विजय अधिकारीलगायतको पनि अभिनय रहने जनाइएको छ ।

कमेडी जनरामा निर्माण हुने चलचित्रको कन्सेप्ट सुमन अग्रवालको रहेको छ । विक्की अग्रवालको पटकथा रहने चलचित्रको सम्वाद लेखन भने विक्की सहित बिकाश अर्याल र सरोज भण्डारीले संयुक्त रुपमा गरेका छन् ।

श्रद्दा प्रसाई र सुमित्रा थापाको प्रस्तुतिमा रहने चलचित्रको छायाँकन सुदिप बरालले गर्नेछन् । चलचित्रको नेपाल वितरण श्री वेंकेटेश, अन्तर्राष्ट्रिय वितरण सेवन सिज र डिजिटल वितरण अधिकार ओएसआर डिजिटलले लिने जनाइएको छ ।

निर्देशकमा डेब्यु गर्दै गरेका विक्कीले दशैंको भोलीपल्टबाट छायाँकन शुरु हुने जनाएका छन् ।