‘के घर के डेरा’को नयाँ टिमअप, निर्देशक देखि कलाकार सम्म परिवर्तन

लेन्सनेपाल २०७८ चैत्र २३

निर्देशक परिवर्तन गर्दै चलचित्र ‘के घर के डेरा’ निर्माणको घोषणा गरिएको छ । यस अघि सुब्रतराज आचार्यको निर्देशनमा बन्ने भनिएको चलचित्रलाई अब दिपेन्द्र के खनालले निर्देशन गर्नेछन् ।

राजधानीमा आयोजित कार्यक्रमका बिच निर्देशक सहितको नयाँ टिमअप घोषणा गरिएको छ । कमेडी तथा सोसल जनरामा बन्ने चलचित्रमा दयाहाङ राई, विपिन कार्की, वर्षा राउत र रविन्द्र झाको मुख्य भूमिका रहनेछ ।

वैशाख तेस्रो सातादेखि सुरु हुने चलचित्रले ‘घर भएका र घर नभएका दुवै वर्गको कथामा हास्य ढंगले प्रस्तुत गर्ने निर्देशक खनालले बताएका छन् । चलचित्रको छायाँकन काठमाडौंमा नै गरिने छ ।

शरद श्रेष्ठ, राजीव श्रेष्ठ र किरण महर्जन निर्माता रहेको चलचित्रका कार्यकारी निर्माता युवराज कार्की हुन् । सिंगे लामाको कथा, महेश दवाडीको पटकथा र संवाद, दीर्घ गुरुङको छायांकन रहेको चलचित्रलाई आगामी वर्षमा प्रदर्शनमा ल्याउने तयारी निर्माण टिमको रहेको जानकारी दिइएको छ ।