चलचित्र ‘के घर के डेरा’को इन्डक्ल्याप

दीपेन्द्र के खनाल निर्देशित चलचित्र ‘के घर के डेरा’को इन्डक्ल्याप गरिएको छ । मंगलबार राजधानीको नेपाल कला परिषदमा चलचित्रको अन्तिम दृश्यको छायांकन गर्दै सम्पुर्ण छायांकन सकिएको हो । निर्देशक खनालले क्यामेरा अन भएको ३३ औं दिनमा चलचित्रको छायांकन सकिएको बताए ।

निर्देशक खनालले आफ्नो सोच अनुसार नै चलचित्र निर्माण भएको सुनाए । चलचित्रका कलाकारले आफुलाई राम्रो साथ दिएकाले पनि ‘के घर के डेरा’को रिजल्ट राम्रो निस्किनेमा विस्वस्त रहेको निर्देशक खनालको भनाई छ ।

ए प्लस इन्टरटेनमेन्दको व्यानरमा निर्माण भएको चलचित्रका कार्यकारी निर्माता युवराज कार्की हुन् । चलचित्रमा शरद श्रेष्ठ, राजीव श्रेष्ठ र किरण महर्जन निर्माताको रुपमा रहेका छन् । सिंगे लामाको कथा रहेको चलचित्रको पटकथा तथा संवाद महेश दवाडीले लेखेका हुन् । चलचित्रको कथा काठमाडौंमा डेरामा बस्नेहरुको जीवनसँग मिल्दोजुल्दो हुने भन्दै आफ्नो डेरामा बसाईको अनुभव पनि अभिनेता दयाहाङ राई इन्डक्ल्यापमा साटेका छन् ।

यही वर्ष रिलिज तयारी रहेको चलचित्रमा दयाहाङ राई, विपिन कार्की, वर्षा राउत, सुरक्षा पन्त, रविन्द्र झा, लक्ष्मी गिरी, आशान्त शर्मा, प्रभाकर न्यौपाने लगायतका कलाकारको अभिनय रहनेछ । चलचित्रमा दिर्घ गुरुङको छायांकन, शंकर थापा स्माइलको संगीत, सुव्रत राज आचार्य र डिपी खनालको गीत रचना, दिर्घ खड्काको सम्पादन, याम प्रसाद वली प्रोडकसन डिजाइनर र तारानाथ न्यौपाले मुख्य सहायक निर्देशकको रुपमा रहने छन् ।