एक महिनामा चलचित्र ‘ज्वाइँ साब’ प्याकअप

लेन्सनेपाल २०८१ श्रावन २

चलचित्र ‘ज्वाइँ साब’ प्याकअप गरिएको छ । निर्देशक बसन्त निरौलाका अनुसार २३ दिन चित्लाङ र ७ दिन चितवन गरि एक महिनामा चलचित्रको सम्पूर्ण छायाँकन सकिएको हो ।

चलचित्रमा जीतु नेपाल, नीति शाह, बुद्धि तामाङ, शिशिर वाङ्देल, प्रकाश घिमिरे, रमेश वुढाथोकी, निमा पाण्डे, हिमेश पन्त, शिवहरि बैरागी, राजेन्द्र नेपाली, कविता आले, शिवु पाण्डे लगायतका कलाकारको अभिनय छ ।

राजकुमार पण्डित प्रस्तुतकर्ता रहेको चलचित्रमा मिनादेवी पाण्डे, सौगात पण्डित र पदमलाल तामाङको लगानी छ । रेड आई फिल्मस्को प्रस्तुतिमा ओएसआर डिजिटल र मौसम फिल्मस्को सहकार्यमा निर्माण भएको चलचित्रमा श्याम तामाङको डीओपी, अर्जुन पोखरेल र महेश ताम्राकारको संगीत छ । विजय बस्याल कार्यकारी निर्माता रहेको चलचित्रमा सविन अधिकारीको कथा र शंकर धितालको पटकथा तथा संवाद रहेको छ ।