प्रकाश र देवीको स्वरमा ‘हल्कारा’को ‘जीवन कठै बरी’

लेन्सनेपाल २०८० बैशाख १२

चलचित्र ‘हल्कारा’को ‘जीवन कठै बरी’ बोलको गीत सार्वजनिक गरिएको छ । प्रकाश सपुतको शब्द तथा संगीत रहेको सार्वजनिक गीतमा प्रकाश र देवी घर्तीको स्वर रहेको छ । सार्वजनिक भिडियोमा केहि संवादहरु समेत राखि वैदेशिक रोजगारीले निम्त्याएको पीडालाई दर्शाएको छ।

गाउँमा चिठ्ठी पुऱ्याउने एक हल्काराको माध्यमबाट वैदेशिक रोजगारीले नेपाली समाजमा पारेको प्रभावलाई चलचित्रले प्रस्तुत गर्ने जनाइएको छ ।

महेश त्रिपाठी र बिनिता थापामगरको मुख्य भूमिका रहेको चलचित्रका लेखक, निर्देशक तथा सम्पादक विक्रम सापकोटा हुन् । चलचित्रले विभिन्न चलचित्र महोत्सवहरुमा सहभागिता जनाई केही अवार्डहरु समेत प्राप्त गरिसकेको छ ।