चलचित्र ‘झिल्कोः द स्पार्क’को फस्टलुक सार्वजनिक

लेन्सनेपाल २०८१ असोज ११

‘झोला’ फेम्ड निर्देशक यादवकुमार भट्टराईको निर्देशनमा बनेको चलचित्र ‘झिल्कोः द स्पार्क’को फस्टलुक सार्वजनिक गरिएको छ । शुक्रबार फष्टलुक सार्वजनिक गर्दै आगामी पुस ५ का लागि प्रदर्शन मिति समेत घोषणा गरिएको छ ।

पोस्टरमा सुनिल पोखरेल, वर्षा सिवाकोटी, भोलाराज सापकोटा, विशाल पोखरेल र आयुषी ढकाल देखिएका छन् । मोबाइल दुर्व्यसनका कारण बालबालिकामा देखिने समस्या र त्यसले परिवार र समाजलाई पार्ने प्रभावबारे चलचित्र बनेको संकेत पोस्टरले गरेको छ ।

चलचित्रमा निर्देशक भट्टराईसहित अरुणदेव जोशी र देवव्रतको पटकथा र संवाद, दीपक बज्राचार्यको छायांकन, निमेश श्रेष्ठको सम्पादन र चण्डीप्रसाद काफ्ले र दीपक शर्माको संगीत रहेको छ । सुशीला आचार्य र रामगोपाल थापा निर्माता रहेको चलचित्रका कार्यकारी निर्माता उमेश पौडेल हुन् ।