चलचित्र ‘जय हो’को इण्डक्ल्याप

लेन्सनेपाल २०८० बैशाख ३

चलचित्र ‘जय हो’को छायाँकन सकिएको छ । कास्की र मुस्ताङको विभिन्न स्थानमा छायाँकन भएको चलचित्रको मुक्तिनाथमा अन्तिम सट खिच्दै ३० औं दिनमा इण्डक्ल्याप गरिएको छ ।

शोभित बस्नेत प्रस्तुतकर्ता रहेको चलचित्रलाई टेक पौरखी राईले निर्देशन गरेका हुन् । चलचित्रमा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठ लगायतको अभिनय रहेको छ ।

चलचित्रमा सम्राट बस्नेतको द्धन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन, सुरेश न्यौपानेको कथा, सौरभ लामाको छायांकन र शम्भुजित बाँस्कोटा र सागर आले मगरको संगीत छ ।

कमेडी, एक्सन र लभस्टोरीको समिश्रण रहको चलचित्र आगामी भाद्र ८ गते प्रदर्शन हुने जनाइएको छ । चलचित्रका निर्माता राज के अधिकारी र सुरज सरकार हुन् ।