चलचित्र ‘जारी’को ट्रेलर सार्वजनिक

लेन्सनेपाल २०७९ चैत्र १०

चलचित्र ‘जारी’को ट्रेलर सार्वजनिक गरिएको छ । उपेन्द्र सुब्बाको लेखन तथा निर्देशन रहेको चलचित्रको ट्रेलर शुक्रबार राजधानीमा आयोजित पत्रकार सम्मेलनका बिच सार्वजनिक गरिएको हो ।

लिम्बू समुदायमा रहेको जारीप्रथाको कथा प्रस्तुत गरेको चलचित्रमा दयाहाङ राई, मिरुना मगर र रोयदीपको मुख्य भूमिका रहेको छ । चलचित्रको कथा दम्पति बिचको सम्बनध र जारी वरिपरि घुमेको देख्न सकिन्छ ।

रामबाबु गुरुङले निर्माण गरेको चलचित्रमा शैलेन्द्र ध्वज कार्कीको छायाँकन, झुमा लिम्बु र संगम पन्तको संगीत र निमेष श्रेष्ठको सम्पादन छ । चलचित्र वैशाख १ गतेदेखि प्रदर्शन हुनेछ ।